Ürək stent əməliyyatı

Stent nədir?

Stent, tıxanıqlığı gedərək qanın axışını yaxşılaşdırmaq üçün qan damarlarını ya da kanalları açıq tutan, zəif və daralmış arteriyalarda istifadə edilən kiçik metal borudur.
Emeliyyati.az xəbər verir ki, stent taxılmasından adətən ürəyə oksigen cəhətdən zəngin qanı təmin edən daralmış koroner arteriyaları açmaq və müalicə etmək üçün istifadə edilir.

Stent nə üçün taxılır?

Damarların içərisində yağlı maddə yarandığı zaman qan dövranı zəifləyir və şəxsin döş qəfəsində ağrıya səbəb olur. Stent arteriyaları açıq tutaraq döş qəfəsi ağrısı riskinizi azaldır və infarkt krizinin qarşısını almaq üçün taxılır.

Stent fərqli nahiyələrdə də istifadə edilə bilər:

Öd kanalları ya da sidik yolunu daş kimi tıxayan maddələrin aparılması üçün

Bronxlarda yarana biləcək tıxanıqlığa qarşı həzm sisteminin qorunması

Orqanlarda bağlantılı olan anevrizma adıyla bilinən anormal genişləmələrə qarşı açıqlığın normal səviyyədə olması

Stent əməliyyatı necə aparılır?

Xəstə oyaq halda qalır. Bilək və ya bud arteriyasından kateterlə daxil olunaraq angioqrafiya edilir. Daha sonra xüsusi kateterlə damarların daralmış və bağlanan hissəsinə daxil olunur. Nəticədə həmin yerdə stent yerləşdirilir.

Stent yerləşmə müddəti 20-30 dəqiqə ərzindədir. Əməliyyatdan sonra 6 saat ərzində yataq rejimi tələb edilir.

Ürək stentinin də bir neçə növü mövcuddur.

Çılpaq metal stentlər

Dərmanlı stentlər

Stent əməliyyatından sonra bu qidalanma formalarından yararlana bilərsiniz:

Meyvə, tərəvəz, taxıl kimi zəngin qidalanma menyusu əsas şərtlərdən hesab edilir.

Yumurta, tofu, fındıq kimi qidalardan istifadə edin.

Kəpəkli və ya tam taxıllı çörək və ya kraker, qəhvəyi rəngli düyü, kəpəkli makaron, çovdar istifadəsi faydalıdır.

Az yağlı süd içə bilərsiniz

Şəkərli içkilərdən və qidalardan qaçının

Duz qəbulunu azaldın.

Ne zaman stent qoyulmalidir?

Stenokardiya zamanı

Yüksək riskli lezyonlar

Stabil koronar arteriya xəstəliyi

Qeyri-stabil stenokardiya

Stent restenozu və s.

Stent taxıldıqdan sonra xəstə neçə il yaşaya bilər?

Stent aparatının müəyyən bir ömrü yoxdur. Stent taxıldıqdan sonra şəxsin dərmanlarının doğru formada və zamanında istifadəsi vacib şərtdir. Stentin tıxanmasının qarşısı alındığı zaman xəstə uzun illər yaşaya bilər.

Bununla yanaşı xəstə mənfi vərdişlərdən uzaq durmalı, stress, həyəcan kimi narahatlıqları minimuma endirməlidir.

Stent əməliyyatının qiyməti

Bahalı əməliyyatlar sırasına daxildir. Stend sayısından asılı olaraq bir stent 2-3 min manatdan başlayır. İlk dəfədən bir neçəsi qoyulmalı olarsa məbləğ artır.