Sinə böyütmə

Sinə böyütmə əməliyyatı son zamanlar geniş yayılan əməliyyatlar içərisində yer alır. Bu əməliyyata adətən süd vəzisi çox kiçik və ya çox böyük olanlar müraciət edirlər. Süd vəzisini böyütmək istəyənlər daha həcmli və dik məmələr əldə edə bilərlər. Süd vəzilərində zamanla, yaşla, hamiləliklə bağlı olaraq sallanmalar, həcm itkisi ola bilər. Bu da bədən görüntüsünə mənfi təsir göstərir. Qadınlarda özgüvən əksikliyi yarada bilər. Bundan əlavə, xərçəng kimi sağlamlıq problemlərinə görə məmələrini itirmiş qadınlar üçün də bu əməliyyat tətbiq edilir.

Sinə böyütmə əməliyyatı

Bu əməliyyat sinə əzələləri və məmə toxumalarının altına qoyulan implantlarla məməni daha dolğun və qaldırılmış göstərir. Əməliyyat plastik cərrah tərəfindən həyata keçirilir. Əməliyyat zamanı həm sinəyə həcm əlavə etmək, həm də lazım olduqda qaldırma əməliyyatı aparılır.
Sinə böyütmə əməliyyatı hansı hallarda əhəmiyyətlidir?

Keçirilmiş uğursuz əməliyyat

Bir məmənin digərinə görə kiçik olması

Süd vəzisi ölçüsündə narazılıq

Süd vəzi qəfəsinin deformasiyası

Sinə böyütmə əməliyyatını kimlər etdirə bilər?

Şəxs buna özü qərar versə də həkim müayinəsi və göstərişi də bir o qədər əhəmiyyət kəsb edir. Bu zaman xəstənin bədən quruluşu, istəyi nəzərə alınır. Adətən 18 yaşdan yuxarı şəxslərə edilir.
Sinə böyütmə əməliyyatı necə edilir?

Ən çox istifadə ediləni məmə protezi və ya silikon implantdır. Bu, əzələnin altına yerləşdirilir. Sinəni böyüdərək daha həcmli göstərir.

Bundan əlavə inyeksiya üsuludur ki bu zaman yağ vurularaq süd vəzi konturları bərpa edilir. Tətbiq edilən implant üsulu qalıcıdır, yalnız bu implantların keyfiyyətinə uyğun olaraq müəyyən aralıqlarla dəyişikliklər edilir. Doldurma üsulunda zamanla həll olunduğu üçün inyeksiya təkrarlanmalıdır.

Ümumi müayinə zamanı xəstəyə uyğun silikon protez növü seçilir.

Protezləri nahiyəyə yerləşdirmək üçün 4 ayrı kəsik sahəsi istifadə olunur:

Süd vəzisinin alt hissəsi

Qoltuqaltı

Süd vəzi ətrafı

Göbək nahiyəsi.
Kəsik edilərkən süd kanallarının zədələnməməsinə diqqət yetirilir.

Silikon implantlar damcı və dairəvi olurlar. Bu da bədən quruluşuna görə təyin edilir.

Əməliyyat lokal anesteziya altında aparılır. Xəstə xəstəxanadan çıxdıqdan sonra 4 gün istirahət etməlidir. Xəstəxanadan sonra bir həftəyə yaxın istirahət tövsiyə edilir. Həmin nahiyədə ağrılar ola bilər ki, bu zaman ağrıkəsicilərdən istifadə edə bilərsiniz.

Qeyd edək ki, əməliyyatdan sonrakı ilk aylarda ağır işlər tövsiyə edilmir. Bununla yanaşı günəş şüalarından ehtiyyat edilməlidir. İlk 3 ayda simsiz və yumşaq toxumalı büstqalterlərdən istifadə edilməlidir.