Mədə kiçiltmə

Mədə kiçiltmə, piylənmədən əziyyət çəkən insanların çox müraciət etdiyi əməliyyatdır.

Emeliyyati.az xəbər verir ki, mədə, əməliyyat sayəsində boru formasına salınır.
Köklük düzgün pəhriz və qidalanma ilə nəzarət altına alına bilir. Ancaq daha böyük problemlər zamanı, gərəkdiyi vəziyyətlərdə mədə kiçiltmə əməliyyatından istifadə edilir.

Mədə kiçiltmə əməliyyatının üstünlükləri:

Əməliyyatın icrası zamanı həzm traktında hər hansı anatomik dəyişiklik icra edilmir. Əməliyyat növü birdəfəlikdir.

Mədənin bir hissəsinin çıxarılması "aclıq hormonu" olaraq adlandırılan qrelin adlı hormonun səviyyəsini azaldır.
Əməliyyatdan sonra iştah azalır

Xəstələr bir il ərzində artıq çəkilərinin 75% və ya daha çoxunu itirirlər.

Əməliyyatdan sonra hormonal dəyişikliklər xəstələrə toxluq hiss etməyə, daha az yeməyə, həmçinin diabeti yaxşılaşdırmağa və ya həll etməyə kömək edir.

Mədə kiçiltmə əməliyyatı

Anesteziya altında icra edilir. 40-90 dəqiqə ərzində davam edə bilir. Burada cərrahın təcrübəsi, peşəkarlığı əhəmiyyət kəsb edir. Əməliyyatdan 3-4 gün sonra gündəlik həyat yaşayışına geri dönə bilər. Əməliyyat zamanı damarlaşma və qanaxma ilə bağlı tədbir görülür.

Əməliyyat zamanı ağrıları, problemin varlığını yoxlamaq üçün bir və ya bir neçə fərqli texnika istifadə olunur. Bənzər testlər əməliyyatdan sonra da edilə bilər.

Qeyd edək ki, əməliyyat olunmağına baxmayaraq xəstələr pəhriz və düzgün qidalanma rejiminə diqqət etməlidirlər. Əks halda öncəki çəkiyə qayıtmaq mümkündür.

Mədə kiçiltmə əməliyyatından sonra qidalanmada nələrə diqqət edilməlidir?
Asitli içkilərin istifadəsi yolverilməzdir.

Əməliyyatdan sonra B-12 vitamininin dil altı həblər, sprey və ya iynə olaraq qəbul edilməsinə ehtiyac ola bilər.

Bol mayeyə üstünlük verilməlidir.

İlk həftələr sulu yeməklərə üstünlük verilməlidir.