Beyin şişi əməliyyatı

Beyin şişi anormal beyin hüceyrələrinin kütləsi və ya çoxluğudur. Beyin şişləri sürətlə və ya əksinə çox yavaş böyüyə bilərlər. Xoşxassəli və bədxassəli olurlar. Bəzilərinə cərrahi əməliyyat göstəriş olsa da, bir qism şüa terapiyası ilə kiçildilə bilər.

Beyin şişindən əziyyət çəkən xəstələr üçün əməliyyat ilkin və populyar müalicə forması hesab edilir.
Bir çox belə hallarda şişin götürülməsi tövsiyə edilir. Bu xoşxassəli olsa belə şəxsin sağlamlığı baxımından götürülməsi düzgün müalicə üsulu hesab edilir. Beyin şişi əməliyyatı neyrocərrahlar tərəfindən icra edilir.

Beyin şişi nə üçün yaranır?
Bunun konkret səbəbi yoxdur. Ancaq müəyyən faktorların burada rol oynadığı qeyd edilir. Belə ki, genetika, kimyəvi maddələrə məruz qalma, keçirilən ağır qəza, stress və s. kimi səbəblər beyin şişini yarada bilər.

Metastatik beyin şişləri müxtəlif orqanların xərçəngləri hallarının 10-30%-ni təşkil edir. Kişilərdə ən çox rast gəlinən metastaz mənbəyi ağciyər xərçəngi, kolorektal xərçəng, böyrək xərçəngidirsə, qadınlarda bu, süd vəzisinin xərçəngi, ağciyər xərçəngi, kolorektal xərçəng və melanomadır.

Beyin şişinin diaqnostikası necə aparılır?

Nevroloji müayinə

Elektroensefaloqrafiya

Tomoqrafiya

Neyrooftalmoloji müayinə

EXO EQ və s.

Beyin şişi əlamətləri

Ürəkgetmə

Baş ağrısı

Baş gicəllənməsi

Nitq pozğunluğu

Qusma

Yaddaş pozğunluğu və s.

Beyin şişi əməliyyatı
Uzun saatlar davam edən əməliyyatdır. Beyin şişi əməliyyatı 5 ilə 12 saat arasında ola bilir.
Xoşxassəli şişlərin erkən mərhələlərdə müalicəsi daha çox effektiv verir.

Beyində əməliyyat apararkən cərrah maksimal dəqiqliyə əməl etməlidir. Belə ki, əməliyyat zamanı artıq bir millimetr toxumanın zədələnməsi xəstəyə həyati vacib funksiyalarının pozulması ilə nəticələnə bilər. Məhz buna görə xərçəngin terminal mərhələlərində cərrahi müalicə səmərəsizdir.

Vaxtında və düzgün aparılmış diaqnostika xəstəliyin proqnozunu nikbin edir.

Əməliyyat zamanı ortaya çıxa biləcək toxuma zədələnmələrini azaltmaq üçün müasir metod hesab edilən stereostatik radiocərrahiyyədən istifadə edilir. Bu əməliyyatlar zamanı böyük miqdarda qamma və ya rentgen şüalarının yüksək dəqiqliklə şiş nahiyəsinə çatdırılması və onun məhv edilməsi həyata keçirilir. Bu vəziyyətdə sağlam toxumalar ya minimal olaraq zədələnir və ya toxunulmaz qalır.