Saç əkimi

Saç tökülməsi bir çox insanın ortaq problemidir.

Saç tökülməsinin bir çox səbəbi ola bilər.

Doktorinfo.az xəbər verir ki, buna həyat tərzindən tutmuş, qidalanmağa qədər bir sıra faktor təsir edə bilər. Ən çox geniş yayılmış problemlərdən biri vitamin əksikliyi, genetika, dəmir azlığıdır.

Gün ərzində 100-ə yaxın saç telinin düşməsi normal qəbul edilir. Ancaq hər gün daha çox tökülərsə bunun səbəbi araşdırılmalıdır. Saç telləri hər 5-6 ildən bir özlüyündən tökülür və bunun əvəzində daha sağlam saçlar çıxır.

Saç tökülməsinin səbəbləri qadın və kişilərə görə fərqlənir.

Qadınlarda görülən saç tökülmə səbəbləri:

Hormonal pozğunluq

Yanlış qidalanma

Vitaminsizlik

Stress, əsəb

Qanazlığı
Tiroid problemləri

Keçirilən ağır infeksiya

İstifadə edilən yanlış kosmetika məhsulları

Saç əkimi proseduruna daha çox kişilər müraciət edirlər.

Saç əkimi proseduru nədir?

Saç əkimi, vücudun hansısa bir nahiyəsində mövcud olan saç köklərinin, açıqlıq və seyrəklik yaranan yerlərə yeridilməsi ilə həyata keçirirlər.
Bu peşəkar həkim tərəfindən və steril şəraitdə həyata keçirilir. Lokal anesteziya edilməsindən sonra tək-tək tüklər alınıb ehtiyac duyulan yerlərə əkilməsi ilə müalicə edilir.
Saç əkimi prosedurunun ağrılı olub-olmaması ən çox verilən suallar altındadır.

Saç tökülməsinin səbəbi yaxşı araşdırılmalıdır. Saç tökülməsi problemi genetik səbəblərdən qaynaqlanırsa saç əkilməsinə üstünlük verilməlidir.

Qeyd edək ki, prosedur ağrılı deyil və 5-6 saat davam edir. Tətbiq olunan texnikanın doğru olması, yeni əkilən saçların saç dərisinə uyğunlaşması və sağlam formada böyüməsi cəhətdən son dərəcə əhəmiyyətlidir.

Nəzərə çatdıraq ki, saç əkimindən bir neçə həftə sonra saçlar tökülə bilər, buna baxmayaraq saç kökləri yerində qalacaqdır.

Saç əkimində müxtəlif prosedurlardan istifadə edilir:

FUE texnikası
FUT texnikası

Saç transplantasiyası sahəsində isə:

DHI texnikası
Safir FUE üsulu
Saç əkimi prosedurunda nələrə diqqət edilməlidir?

Lazımi testlər aparıldıqdan və əməliyyat üçün heç bir maneə olmadığına əmin olduqdan sonra planlaşdırılacaq sahə, istifadə ediləcək saç əkilməsi texnikası, tədqiq ediləcək transplantların sayı və buna bənzər mərhələlər barədə ətraflı məlumatlar verilir.

Mənfi vərdişlərdən uzaq durulmalıdır. Bura spirtli içki, siqaret kimi mənfi vərdişlər daxildir.

Əməliyyatdan öncə uzun müddət istirahət gərəklidir.

Saça istifadə edilə kosmetik vasitələrdən imtina edilməlidir.

Saç əkimi əməliyyatından sonra ağır fiziki hərəkətdən uzaq durulmalıdır.

Bir müddət saçı güclü güləkdən qorumalı, yatan zaman da həmin nahiyədən ehtiyyat edilməlidir.

Əməliyyatdan sonra həmin nahiyədə müəyyən şişkinliklər, qızarıqlıqlar, ağrılar yaşana bilər. Bu zaman ağrıkəsici dərmanlar qəbul edilə bilər.

Bir müddət boya kimi kimyəvi maddələrdən uzaq durulmalı, sauna kimi yerlərdən qaçınılmalıdır. Günəş şüalarının zərərli şüalarından da qorunmaq əsas şərtdir.