Abdominoplastika əməliyyatı

Abdominoplastika, digər adı ilə qarın gərmə əməliyyatı son zamanlar daha çox qadınların müraciət etdiyi əməliyyat növüdür.
Sallanan dəri, köklük bir çox qadınların problemlərindən biridir. Daha cazibədar, gözəl görünmək üçün əməliyyatın bu növünə müraciət edirlər.

Abdominoplastika əməliyyatının üstünlükləri:

Dəri piy örtüyünü götürməyə imkan verir

Bədən konturları daha yaxşı tənzimlənir

Qadın və bel nahiyəsində artıq piylər götürülür

Dəri büzüşmələri aradan qaldırılır
Abdominoplastikaya nə zaman müraciət etməlidirlər?

Hamiləlikdən sonra sallanan dərini aradan qaldırmaq üçün

Dəri daralmasının çəki dəyişikliyinə uyğunsuzluğu zamanı

Ön qarın divarında yırtıqların yaranması

Abdominoplastika üçün göstərişlər:

Qarında olan artıq piy qatları

Doğuşdan sonra yaranan dəri çatlaqları

Əməliyyatdan sonrakı yaralar

Hər əməliyyat kimi abdominoplastika üçün də əks göstərişlər vardır.

Bunlar hansılardır?

Qarın gərmə əməliyyatı uzun davam edir. Ürək, tənəffüs yolu xəstəlikləri, böyrək problemləri yaşayan xəstələr üçün əməliyyat riski mövcuddur.

Qeyd edək ki, kiçik də olsa, əgər risk varsa, heç bir cərrah və anestezioloq əməliyyat keçirilməsinə razılıq verməyəcəkdir. Buna isə ətraflı müayinədən sonra həkim qərar verəcəkdir.

Əməliyyat müddəti

Adətən 2-4 saat ərzində davam edir. Bu, çıxarılacaq toxumaların həcmi və qarın əzələlərinin vəziyyətindən asılıdır. Əməliyyat əsnasında aşağı qarın divarında kəsik atılır.
Qeyd edək ki, abdominoplastika əməliyyatını bir neçə kateqoriyaya bölmək olar:

Mini-abdominoplastika - yalnız kiçik bir dəri qatının yığıştırılması deməkdir.
Orta ölçülü abdominoplastika.

Geniş abdominoplastika.

Belə ki, mini abdominoplastika zamanı çapıq 1-2 sm uzunluğunda olur. Tam formada keçirilən əməliyyat zamanı isə bu daha uzun olur. Abdominoplastika ümumi anesteziya altında aparılır. Əməliyyat zamanı sallanan və artıq dəri, piylər çıxarılır, dəri və dərialtı yağ toxuması əzələlərin qarın divarından ayrılır.

Abdominoplastika əməliyyatından sonra sağalma nə zaman olur?

Sağalma müddət, şəxsin yaşından, orqanizmindən asılıdır. Həmçinin qarın gərmə əməliyyatınızın növündən də asılı olaraq dəyişiklik göstərir.

Əməliyyatdan sonrakı dövrə də diqqət edilməlidir. Əməliyyatdan sonra korset taxmalı ola bilərsiniz, həmçinin ağrıkəsicilərdən istifadə etməyiniz mümkündür.
Trombozun yaranmasının qarşısını almaq üçün xüsusi corab geyinmək və mütəmadi olaraq ayaq məşqləri etmək lazımdır.