Sünnət əməliyyatı

Sünnət, cinsi orqanda artıq dərinin cərrahi üsulla kəsib çıxarılmasıdır. Bu prosedur, gigiyena, sağlamlıq cəhətdən olduqca vacibdir. Bu cərrahi əməliyyat tibbi avadanlıqlarla, steril şəraitdə edilməlidir.

Sünnət hansı yaşda edilməlidir?

Uşağın doğuşdan sonra ilk 3 ayda edilməsi tövsiyədir. Sünnətlə bağlı qərar verilərkən pediatr, əməliyyatı edəcək həkim və ailə bir araya gəlib ortaq qərar verməlidir. Körpədə heç bir problem yoxdursa, yeni doğulmuş körpənin sünnəti ilk 48 saat ərzində asanlıqla həyata keçirilə bilər. Ancaq körpənin sağlamlıq vəziyyəti ətraflı araşdırılmalı və sünnət üçün uyğun olub olmadığı müəyyən edilməlidir. Yeni doğulan uşaqlarda bu proses aşağıdakı hallarda təxirə salınmalıdır:

Sarılıq

Vaxtından əvvəl doğuşlar

Ailədə hemofiliya, yəni qanaxma və laxtalanma problemləri varsa

Sünnət hər yaşda edilsə də, 2-5 yaş arası uşaqlarda tövsiyə edilmir. Bunun əsas səbəbi psixoloji travmadır.

Yaraların tez sağalması baxımından prosedurun daha tez edilməsi tövsiyə edilir. Sünnətin təhlükəsiz şəkildə tamamlanması üçün təmiz və steril əməliyyat otağında cərrahi yolla həyata keçirilməlidir. Bunun üçün də bunu peşəkar həkim etməlidir.

Sünnət faydalıdır ya zərərli?
Sünnətin faydaları elmi araşdırmalarla təsdiq olunub. Belə ki, sünnət olan şəxslər olmayanlara görə prostat xərçəngi, sidik yolları və balanopostit dediyimiz infeksion xəstəliklərə daha az yoluxurlar.

Cinsi yolla keçən infeksiyalar riskini azaldır. Sünnət edilmiş şəxslərdə HİV, sifilis və qonoreya kimi bəzi cinsi yolla keçən infeksiyalara yoluxma riski aşağıdır.

Sünnət necə edilir?

Etibarlı və ən az yan təsir göstərən üsul cərrahi üsuldur. Cinsi orqanın sağalması adətən bir həftə zaman alır. Əməliyyatdan sonra qızarma, şişkinlik görülə bilər. Bu da zamanla keçəcəkdir.
Cərrahi üsul klassik olaraq sünnət dərisinin cərrahi yolla kəsilməsidir. Daha sonra uclar bir-birinə tikilir. Burada estetik və udula bilən tikişlərdən istifadə edilir. Bu səbəbdən də əlavə sarğı və ya tikiş tələb olunmur.

Digər üstünlük verilən üsullardan biri isə lazerlə kəsimdir. Bu isə həkimlər tərəfindən tövsiyə edilmir. Lazerlə sünnət olmur. Lazer adlandırılan alət monopolyar koterin və ya termokoterin xalq arasında istifadə olunan adıdır. Həqiqi lazer isə, urologiyada daş əməliyyatında və kosmetoloqlar tərəfindən istifadə olunur.

Sünnət peşəkar cərrah tərəfindən yerinə yetirilməlidir.

Sünnət yarasına qulluq, əməliyyatdan sonra yaranın infeksiyadan qorunması vacibdir. Bunun üçün antibakterial məlhəmlərdən istifadə edilir.